Астанада пәтерде жалғыз қалып қойған үш жасар қыз құтқарылды

Құтқарушылар 9-қабаттан 5-қабатқа арқанмен түсіп, сәбиді аман алып қалды

Фото: © istockphoto.com

Астанада құтқарушылар үш жасар қызды құтқарып қалды. Оқиға Тұран даңғылындағы көпқабатты үйлердің бірінде болды, деп хабарлайды Azattyq Rýhy ТЖМ-ге сілтеме жасап.

Кішкентай қыз пәтерде жалғыз қалып қойған. Анасы дәлізге шыққан кезде, есік іштен жабылып қалған. Ол құтқарушыларға хабарласып, жедел көмек сұраған.

Оқиға орнына жеткен құтқарушылар арнайы альпинистік снаряжение көмегімен 9-қабаттан 5-қабатқа арқанмен түсіп, пәтердің терезесінен ішке кірді.

Құтқарушылар есікті іштен ашып, сәбиді аман-есен анасына тапсырды.

Мақалада

#Астана #пәтер #бала #балалар #ТЖМ

Алдыңғы жаңалық

Қазақстанның су добынан әйелдер құрамасы Азия чемпионатында қола жүлде алды