Марқұмның кім екені анықталып жатыр
Атырауда қараусыз қалған ғимараттан ер адамның денесі табылды, деп хабарлайды Azattyq Rýhy Atyrauoil Telegram-арнасына сілтеме жасап.
1 наурыз кешкі уақытта Сырым Датов көшесіндегі қараусыз ғимараттардың бірінен үй-күйсіз адамның мәйіті табылған. Қазіргі таңда марқұмның жеке басы анықталып жатыр.
«Оқиға орнына полиция қызметкерлері мен медицина мамандары келген. Құқық қорғау органдары тексеру жұмыстарын жүргізіп жатыр, өлімнің нақты себебі сот-медициналық сараптамадан кейін белгілі болады», — делінген хабарламада.
Алдын ала болжам бойынша, ер адам суықтан үсіп көз жұмған болуы мүмкін.