Ақмола облысында әскери қызметкерлер әріптестерінің көз алдында сотталып кетті

Ақмола облысында әскери қызметкерлер бас бостандығынан айырылды. Олар әріптестерінің көз алдында сотталып кетті, деп хабарлайды Azattyq Rýhy.

Оларға нақты қандай айып тағылғаны құпия күйінде қалды. Бар болғаны олардың ауыр қылмыстық құқық бұзушылық жасағаны үшін кінәлі деп танылғаны ғана белгілі.

Әскери соттың баспасөз қызметі жиынға қатысқан әскери қызметшілер сот процесін өз көздерімен көргені туралы жазды.

«Сот үкімімен сотталушылар К. және А. 6 жылға бас бостандығынан айырылды. М.-ға 6 жыл 6 айға бас бостандығынан айыру жазасы тағайындалды. Сотталушылар К. мен М. дереу қамауға алынды», - делінген хабарламада.

Үкім заңды күшіне енген жоқ.