«Демі таусылып, есінен танды»: 5 жасар баланың жүрегі тоқтап қалған

Санкт-Петербургте бес жасар бала кенеттен қайтыс болды. 78.ru хабарлағандай, баланың жағдайы түскі ас кезінде нашарлаған, деп жазады Azattyq Rýhy.

Қайғылы оқиға Маршал Захаров көшесіндегі пәтерде болған. Тамақтанып болған соң көп ұзамай бала құсып, құрысып, тұншығып, есін жоғалтты. Ата-анасы жедел жәрдем шақырып, бес минуттың ішінде медициналық бригада келді.

Бала 23:15-те клиникалық өлім жағдайында ауруханаға жеткізіліп, 23:45-те дәрігерлер оның қайтыс болғанын хабарлады.

Өлім себебі жүрек тоқтауы деп көрсетілген. Сондай-ақ балаға Стердж-Вебер синдромы, туа біткен глаукома және психомоторлы кідіріс диагнозы қойылды.