Жарақат алғандар көп: Астанада автобустың қатысуымен жантүршігерлік апат болды (ВИДЕО)

Елордада автобус бағанаға соғылып, жантүршігерлік апат болды. Қазір онда құтқарушылар жұмыс істеп жатыр, деп хабарлайды Azattyq Rýhy. 

«Астанадағы жантүршігерлік апат – автобус бағанаға соғылған. Жарақат алғандар көп, бірақ бәрі тірі», – делінген Михаил Козачковтың Telegram-дағы парақшасында.

Елордалық полиция департаментінің баспасөз қызметінің хабарлауынша, автобус жүргізушісі рөлге ие бола алмай, жарық бағанасына соғылған.

«Оқиға кезінде автобуста шамамен 25 жолаушы болған. Апат салдарынан жүргізуші мен бірнеше жолаушы жарақат алып, қажетті көмек көрсету үшін медициналық мекемеге жеткізілді», - деп хабарлады ведомстводан.

Қазір бұл оқиғаға қатысты тергеу жүріп, оқиғаның мән-жайы мен себептері анықталып жатыр.