Қазақстанда әуе апаттарын тергейтін жеке мемлекеттік орган құрылады

Көлік вице-министрі Талғат Ластаев  елімізде әуе апатын тергейтін жеке мемлекеттік орган құрылатынын айтты, деп хабарлайды Azattyq Rýhy.

«Осы жылдың соңына дейін көлік оқиғаларын тергеу бойынша арнайы орталық құру жоспарлануда, ол жоғары білікті мамандарды тарта отырып, қажетті жабдықтармен қамтамасыз етіледі», – деп мәлімдеді Ластаев үкімет отырысында.

Вице-министр атағандай, Қазақстан тергеу көрсеткіштері бойынша төменгі орында тұр.

«Әуе оқиғаларын тергеу көрсеткіші Қазақстанда 51%-ды құрайды, бұл Халықаралық азаматтық авиация ұйымы (ИКАО) бойынша сегіз маңызды параметрдің ішіндегі ең төменгісі», - деді Ластаев.