Рамазан айы Наурыз меркесімен тұспа-тұс келді: діни күндер кестесі бекітілді

2025 жылғы діни күндер кестесі бекітілді: Рамазан айы Наурыз мейрамымен тұспа-тұс келеді, деп хабарлайды Azattyq Rýhy.

Қазақстан мұсылмандары діни басқармасының Шариғат және пәтуа бөлімі 2025 жылғы діни күндер кестесін бекітті.

2025 жылы Рамазан айы 1 наурызда басталады, ал Қадір түні 26 наурыздан 27 наурызға қараған түнге түседі. Ораза айт 30 наурызда өтсе, Құрбан айттың бірінші күні 6 маусымға сәйкес келеді.

Діни басқарма мамандары ай күнтізбесіне байланысты бұл күндер жаңа айдың көрінуіне қарай бір күнге өзгеруі мүмкін екенін ескертті.
Сондай-ақ кез келген облыс, қала немесе ауылдың (барлығы 6000 елді мекен) ораза және намаз кестесін жоғары сапада PDF форматында muftyat.kz сайтынан жүктеп алуға болады.