«Үйіңізге кірмегенше, ештеңе істей алмаймыз»: есікті сығалаған жігіт астаналықтардың зәресін алды (ВИДЕО)

Астанадағы Khan Plaza тұрғын үйінде белгісіз біреу пәтерлерді аралап, тың тыңдап, есік тұтқаларын сындыруға әрекеттенген, деп хабарлайды Azattyq Rýhy.

Журналист Сырым Иткулов өзінің Telegram-дағы парақшасында елордалықтар видео жіберіп, шағымданғанын айтады. Бәз біреу жұма күні кешке тұрғын үй ішін аралап, тың тыңдап, іште адам бар-жоғын тексерген көрінеді.

«Бір пәтердің құлыпын аша жаздады, бірінші құлыпты ашып, екіншісіне кіріскенде қабатқа басқа адамдар келіп қалған. Ол оқиға орнынан қашып кетті.

Тұрғындар полицияға жүгінген, бірақ олар немқұрайлық танытқан: «Үйіңізге кірген жоқ қой, ешқандай төтенше жағдай болған жоқ, сондықтан ештеңе істей алмаймыз», – деп жазады Иткулов.