Тағы бір күдікті әуежайда қолға түсті
2025 жылдың басынан бері Қазақстанның көлік полицейлері мемлекетаралық іздеуде жүрген 23 қылмыскерді ұстады, деп хабарлайды Azattyq Rýhy.
Олардың жетеуі уақытша ұстау изоляторына қамалса, 16-сы іздеуге бастамашы болғандарға берілді. Ұсталғандар арасында негізінен ауыр және аса ауыр қылмыс жасағандар бар.
«5 ақпанда Көліктегі полиция департаментінің жедел бөлімшелерінің қызметкерлері Маңғыстау вокзалында ауыр қылмыс – жыныстық қатынас немесе он алты жасқа толмаған адаммен жыныстық қатынас немесе сексуалдық сипаттағы өзге де әрекеттер жасағаны үшін Маңғыстау облысының Көліктегі полиция департаментінің халықаралық іздеуге жарияланған Қазақстан Республикасының азаматын ұстады», - деп хабарлады Көліктегі ПД баспасөз қызметі.
Ол Қазақстанға Түркиядан келіп, уақытша ұстау изоляторына қамалды.
8 ақпанда Алматы халықаралық әуежайында желілік полиция бөлімінің қызметкерлері Грузиядан келген Ресей азаматын ұстады. Ер адам Ресей Федерациясының Қылмыстық кодексінің 132 (жыныстық сипаттағы зорлық-зомбылық әрекеттері) бабы бойынша қылмыс жасағаны үшін 2023 жылдан бері іздеуде болған. Көрші мемлекеттің тәртіп сақшылары іздеуде жүрген азамат уақытша ұстау изоляторына қамалды.