Ол баласына Жаңабек деп ат қойған
Танымал әнші Ернар Айдар желтоқсан айында әкесі өмірден өтіп, оның жаназасы күні ұлы дүниеге келгенін мәлім етті, деп хабарлайды Azattyq Rýhy.
Әнші өміріндегі ең ауыр сәт пен ең бақытты шақтардың бірі жүрегінде қандай сезім қалдырғанын айтқан.
«Әкемнің қазасы өте ауыр тиді. Әкемнің жаназасы өтетін күні таңертең ұлым дүниеге келді. Біз әкемізді түсте ақтық сапарға шығарып салдық. Осылайша, әкем Айдарұлы Жаңабайдың немересі Ернарұлы Жаңабек дүниеге келді. Не қайғырарымды, не қуанарымды білмей, есеңгіредім. Осы кезде «қайғы мен қуаныш қатар жүреді» деген сөздің мағынасын терең түсіндім», – деп жазды Ернар Айдар.
Желідегі оқырмандары әншіге қолдау білдіріп, жылы лебіздерін арнады.