Жыл басынан бері алаяқтардың 10 ұяшығының қызметі тоқтатылды
Көкшетау және Жезқазған қалаларында интернет алаяқтыққа қатысы бар екі шетел азаматын ұсталды, деп хабарлайды Azattyq Rýhy.
ІІМ мәліметінше, екі қалада жүргізілген тінту кезінде 128 слоттан тұратын екі sim-box құрылғысы, үш мыңға жуық sim-карта, роутерлер, маршрутизаторлар мен ұялы телефондар тәркіленді.
«Ұсталғандардың екеуі де уақытша ұстау изоляторына қамалды», - деді ІІМ киберқылмысқа қарсы іс-қимыл департаменті бастығының орынбасары Аслан Өскембаев.
Белгілі болғандай, жыл басынан бері алаяқтардың 10 ұяшығының қызметі тоқтатылды. 11 адам ұсталды, оның ішінде төртеуі – шетелдік. Тінту кезінде 36 sim-box жабдығы, 8 мыңнан астам sim-карта, 11 компьютер, 452 usb-модем тәркіленді.