«Челсиге» ауысқан Дастан Сәтпаевтың төрт ойыншыны алдап өтіп соққан голының видеосы жарияланды

Бірер күн бұрын Англияның әйгілі «Челси» командасына ресми түрде ауысқан қазақстандық Дастан Сәтпаевтың ұлттық құрама сапында соққан голының видеосы жарияланды, деп хабарлайды Azattyq Rýhy.

Бұл гол EURO-2025 турнирінің іріктеу кезеңінде соғылған.

Видеоға мән берсек, отандасымыздың төрт ойыншыны алдап өтіп, қақпашыдан айласын асыра соққан голын көруге болады.

Айта кетейік, Дастан Алматыда дүниеге келген. 8 жасында «Қайрат» академиясына түсіп, дайындықтың барлық сатысынан өтті.

Оның жетістіктері:

• QJ League-те екі маусымда 28 матчта 26 гол, 10 нәтижелі пас;
• QJ League 2024 жылғы маусымның ең құнды ойыншысы;
• Бірінші лигада 5 матч ойнап, жеңіс голын соққан;
• УЕФА Жасөспірімдер лигасында 4 матчта 1 гол, 1 нәтижелі пас.

2024 жылғы мамырда 15 жасында Сатпаев негізгі командада дебют жасап, «Қайрат» тарихындағы ең жас ойыншы атанды.