Қазақстанда былтыр 700-ден астам адам астан жаппай уланған: басым бөлігі – балалалар

Қазақстанды былтыр астан жаппай уланудың 18 жағдайы тіркелді. Бұл жағдайлардың 79 пайызында балалар зардап шеккен. Бұл туралы Денсаулық сақтау министрлігінің «Қоғамдық денсаулық сақтау ұлттық орталығы» ШЖҚ РМК «Санитариялық-эпидемиологиялық сараптама және мониторинг ғылыми-практикалық орталығы» филиалы мәлім етті, деп хабарлайды Azattyq Rýhy.

Ведомство мәліметінше, барлығы 731 адам зардап шеккен, оның ішінде балалар саны – 582, олардың үлесі 79% құрайды.

«Уланудың жалпы санының 61,1%-ы (11 жағдай) қоғамдық тамақтану объектілерінде, 27,8%-ы (5 жағдай) білім беру объектілерінде және 11,1%-ы (2 жағдай) дайын тағамды сату кезінде тіркелді.

Тамақтан улану – құрамында патогенді микроорганизмдер, олардың токсиндері бар тағамдарды жеу нәтижесінде туындайтын жұқпалы немесе уытты ауру», - делінген Санитариялық-эпидемиологиялық сараптама және мониторинг ғылыми-практикалық орталығы хабарламасында.

Тамақтан уланудың негізгі себептері:

• Персонал тарапынан жеке гигиенаны бұзу:

1. тамақ өнімдерін дайындайтын объектілерде – тамақ пісірер алдында және шикі өнімдерді ұстағаннан кейін қолды жеткілікті түрде жумау;
2. тамақ дайындамас бұрын, дәретханаға барғаннан кейін қолды жумау.

• Өнімдерді дұрыс сақтамау – температуралық режимді бұзу, мерзімі өткен немесе бүлінген өнімдерді одан әрі пайдалану;
• Дайындау технологиясын сақтамау – ет, балық, жұмыртқа және басқа да өнімдерді термиялық өңдеуден жеткілікті түрде өткізбеу;
• Шикі және дайын өнімдерді жанастыру – кесу тақтасын, шикі және пісірілген тағамдарға арналған пышақты пайдалану;
• Лас ыдыс-аяқ – ыдыстарды таза жумау, ластанған асхана құралдарын пайдалану;
• Жарамдылық мерзімін елемеу – жарамдылық мерзімі өткен өнімдерді немесе олардың сапасын тексермей пайдалану;
• Өнімдерді тасымалдау шарттарын бұзу – температуралық режимді сақтамай тасымалдау; азық-түлік шикізаты мен дайын тамақ өнімдерін тасымалдау үшін көлікті уақытылы тазаламау және дезинфекциялау;
• Қоғамдық тамақтандыруда санитариялық нормаларды сақтамау – ас үйдің лас беттерін пайдалану;
• Тамақ өнеркәсібі кәсіпорындарында, қоғамдық тамақтандыру орындарында және дайын тағамды өткізу орындарында үй-жайлар мен жабдықтарға тұрақты түрде дезинфекция жүргізбеу.

Тамақтан улану белгілері. Симптоматика қоздырғыштың табиғатына және ағзаның уытты зақымдану дәрежесіне байланысты:

• Жүрек айну және құсу;
• Іштің ауыруы және спазмы;
• Диарея;
• Дене қызуының көтерілуі;
• Бас ауруы, әлсіздік.
• Тамақтан уланудың алдын алу:
• Жеке гигиена ережелерін сақтау (қол жуу).
• Тағамды термиялық өңдеу (ет пен балықты қауіпсіз температураға дейін жеткізу).
• Тамақ өнімдерін сақтаудың температуралық режимін сақтау.
• Тамақ, аспаздық және нан-тоқаш өнімдерін дайындау кезінде жұмыртқаны 5-10 минутқа суға салып, тазалау керек.
• Тамақ өнімдерінің жарамдылық мерзімін бақылау.
• Үй-жайларға күрделі тазалау жүргізу, жабдықтарды, мүкәммалды тазалау, жуу және дезинфекциялау, сондай-ақ үй-жайларды дезинсекциялау және дератизациялау.
• Тамақ өнімдерін, оның ішінде азық-түлік шикізатын қолмен ұстайтын, тамақ дайындайтын персоналды қол терісінде және денесінің ашық жерлерінде іріңді аурулардың бар-жоғын, жұқпалы аурулардың, жоғарғы тыныс жолдары ауруларының бар-жоғын күнделікті қарап-тексеру.
• Ас блогы персоналының міндетті медициналық қарап-тексеруден уақытылы өтуі.

Осы ұсынымдарды сақтау тамақтан улану қаупін азайтуға және тамақ өнімдерін тұтынудың қауіпсіздігін қамтамасыз етуге мүмкіндік береді.

«Жаппай тамақтан улану – бұл халықтың, әсіресе балалардың денсаулығына төнетін үлкен қауіп. Қоғамдық тамақтану және білім беру объектілері қызметкерлерінің негізгі міндеті – санитариялық-гигиеналық нормаларды қатаң сақтау. Өнімдердің профилактикасы мен сапасын бақылау – инфекциялардың өршуін болдырмауға көмектесетін негізгі шаралар», – деді Қазақстан Республикасы Денсаулық сақтау министрлігінің «Қоғамдық денсаулық сақтау ұлттық орталығы» ШЖҚ РМК «Санитариялық-эпидемиологиялық сараптама және мониторинг ғылыми-практикалық орталығы» филиалының директоры.