Мұнайлы ауданындағы мектептердің бірінде жалған құжатпен жұмыс істегендер істі болды

Маңғыстау облысында мектеп асханасының жұмысшылары жалған құжатпен жұмыс істегені үшін сотталды, деп хабарлайды Azattyq Rýhy.

Мұнайлы ауданы сотының үкімдерімен мектеп асханасының 4 жұмысшысы өткен жылдың желтоқсан айында айыппұл түріндегі жазаға сотталды.

«Көрсетілген тұлғалар жалған санитарлық құжаттарды пайдалану арқылы Мұнайлы ауданының №8 орта мектептің тамақтандыру блогында жұмыс істеген.

Бұл жағдай аталған мектептің оқушыларының жаппай улануынан кейін тексеру кезінде анықталды. Қазіргі таңда соттың үкімдері заңды күшіне енді», - делінген облыстық прокуратура хабарламасында.