ҰҚК Алматыда есірткі зертханасын ашқан адамды қолға түсірді

Одан есірткі дайындауға арналған заттар тәркіленді

Фото: ҰҚК

Алматыда есірткі зертханасын ашқан адам қолға түсті, деп хабарлайды Azattyq Rýhy.

Психотроптық заттарды дайындау барысында Қазақстан азаматы ұсталып, соттың санкциясымен қамауға алынды.

«Тінту барысында 15 килограммнан аса «альфа-PVP» есірткі құралы мен кристалдану сатысындағы осы заттың 70 литрі, сондай-ақ 200 литр прекурсорлар мен зертханалық жабдықтар тәркіленген.

Қылмыстық кодекстің 297-бабының 3-бөлігі бойынша сотқа дейінгі тергеп-тексеру жүргізілуде.

Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды», - делінген ҰҚК хабарламасында.

Мақалада

#Алматы #есірткі #есірткі саудасы #есірткімен күрес

Алдыңғы жаңалық

Үйі өртеніп кеткен: «AMANAT» партиясы мүшесінің атсалысуымен жас отбасы баспаналы болды