«Үлкен бір арманым бар»: Қайрат Нұртастың жұбайы алдағы жоспарын айтты

Әнші Қайрат Нұртастың жұбайы, белгілі актриса Жұлдыз Әбдікәрімова алға қойған жоспары, арманы туралы ой бөлісті, деп хабарлайды Azattyq Rýhy.

«Ақырын жүріп, анық басуға тырысамын. Тұрақты оқырманымнан, жақындарымнан жасырмайтын үлкен бір арманым бар. Кеудемде жаным барда, жүректе арман барда, ой мен санам тұнық кезінде ұстанатын бағытым бар. Ол еліміздің барлық өңіріндегі театр саласына өз деңгейімде үлес қосу», - дейді актриса.

Ондағы мақсаты:

• Облыс, аудан, аймақ, ауыл сахналарында өнер көрсету арқылы, сол мекендегі сала проблемаларына жауаптылардың назарын аударту;
• Алматы, Астана секілді үлкен қалалардағы қойылымдарды көруге мүмкіндік ала бермейтін аймақтық ағайынға ойлы қойылымдар ұсыну;

«Иә, «Жалғыздың үні шықпас!» дерсіз? Бірақ біз болмасақ кім жасайды? Қазір болмаса қашан?» - деді Жұлдыз Әбдікәрімова.