Демалыс күндері Қазақстанда ауа райы қандай болады

«Қазгидромет» РМК алдағы үш күнге арналған ауа райы болжамын жариялады, деп хабарлайды Azattyq Rýhy.

Синоптиктердің болжамына сүйенсек, демалыс күндері елдің батысында, солтүстік-батысында антициклон сілемі бар, жауын-шашынсыз ауа-райы күтіледі.

«Республиканың қалған аумағында атмосфералық фронттардың өтуімен және елдің оңтүстігінде циклон ойпатының әсерімен жауын-шашын ылғалды қар мен жаңбыр түрінде, көктайғақ құбылыстарымен, елдің шығысында қарлы боранмен және екпінді желмен жауады деп күтіліп отыр. Республика бойынша тұман да күтіледі.

Батыста түнгі уақытта ауа температурасы -5-13°С, солтүстік-батыста -13-21°С, түнде солтүстікте түнгі температура -7-15°С, шығыста және орталықта -12-20°С дейін, оңтүстікте -1-ге дейін төмендейді деп күтілуде. Оңтүстік-шығыста -5-10°С дейін, таулы аудандарда-13-23°С дейін суытады», - делінген синоптиктер болжамында.