Денсаулық сақтау министрлігі тегін дәрілер тізімін қысқартуды жоспарлап отыр

Денсаулық сақтау министрлігі емделушілерді қажетті дәрі-дәрмекпен қамтамасыз ету жүйесін жаңартуды көздеп отыр, деп хабарлайды Azattyq Rýhy.

«Жобада өлім-жітім мен өмір сүру ұзақтығына әсер ететін созылмалы ауруларды емдеуге басымдық беріліп, осы критерийлерге сәйкес келмейтін 32 нозологияны тізімнен алып тастау жоспарланған», – делінген «Ашық НҚА» порталында жарияланған құжатта.

Тізімнен капсулалар, жақпа майлар, көз тамшылары, ұнтақтар, инъекцияға арналған ерітінділер және таблеткалар сияқты ондаған дәрі-дәрмек алынуы мүмкін.

Құжат 14 ақпанға дейін қоғамдық талқылауға салынады.