«Полиция не қарап тұр»: Ақтауда жанып жатқан көлікті тұрғындар өз қолымен сөндіруге тырысқан

Желіде тараған видеода тұрғындар қолдарына шелек алып, өртті өздері сөндірмек болған, деп хабарлайды Azattyq Rýhy.

Innstagram-дағы 112_aktau парақшасында жарияланған видеода Ақтау қаласының орталығы, 28-А ықшамауданында көлік жана бастағанын көруге болады. Оқыс оқиғаға куә болған тұрғындар өрт сөндірушілерді күтпей қолдарына шелек алып, өртті сөндіруге тырысқан.

Желі қолданушылары оқиға орнына келген полицейлердің бейқамдығына наразылық білдіріп, пікір қалдыруда.

«Қасына келіп, көмектеспей ме? Әлде «жанып кетермін» деп қорқып тұр ма?», «Полиция не қарап тұр?» – деп жазады ақтаулықтар.