Алдын ала болжам бойынша 6 адам қаза тапты
Түркістан облысында екі көлік соқтығысып, туындаған өрттен бірнеше адам тірідей жанып кетті, деп хабарлайды Azattyq Rýhy.
«Криминальный Казахстан» Telegram каналының мәліметінше, 3 ақпан күні Кентау-Түркістан тасжолының 7-ші шақырымында Audi маркалы екі жеңіл көлік соқтығысты. Алдын ала мәлімет бойынша, оқиға орнында алты адам қаза тауып, тағы төртеуі ауруханаға жеткізілді.
Көліктердің бірінде шетелдік азаматтар болғаны хабарланды. Қаза тапқандардың арасында 17 жастағы үш жасөспірім мен 20 жасқа толмаған екі жасөспірім бар. Жүктілігіне 27 апта болған жолаушылардың бірі де қайтыс болды.
Қалған жолаушылардың жеке басы анықталып жатыр.