«Қарашығанақ» кен орнында 5 маусымға дейін карантин жарияланды

Бұл туралы «REAL CONSTRUCTION» ЖШС компаниясының өкілі Махамбет Нәжімов хабарлады. Оның айтуынша, Теңіз кенішіндегі кейбір мердігер компаниялар әлемдік мұнай бағасының құлдырауына байланысты өндірісін тоқтатқан. Соның салдарынан мамыр айынан бастап мұнайшыларды жұмыстан қысқарту басталғанын мәлім етті.

«Төтенше жағдай жарияланған уақытта «Теңізшевройл» компаниясында коронавирус жұқтырғандар болмады. Компания штаттық режимде жұмыс істеген. Алайда, сәуірдің басында мердігер компанияның бір қызметкерінің вирус жұқтырғаны анықталған. Ол жатақханаларды тазалау жұмысымен айналысқан. Сәйкесінше, осы қызметкермен байланыста болғандар анықталып, карантин жарияланған. Қызметкерлерден тест алынды. Нәтижесінде індет жұқтырғандар бөлек блокта, байланыста болғандар екінші блокқа жатқызылған. Кейін олардан тағы ПЦР тест алынып, вирус жұқтырғандарды Атырау облыстық ауруханасына жіберді. Олар екі аптадай ем қабылдады. Науқастардың айтуынша, ауру еш белгі бермеген. Науқастардың тамағы аурып, жөтел қысып немесе қызуы көтерілмеген», - деді Махамбет Нәжімов.

Атырау облысындағы «Қарашығанақ» мұнай-газ конденсат кен орнындағы бір жұмысшыдан да коронавирус анықталған.

«Қарашығанақ» кен орныда 5 маусымға дейін карантин жарияланды. Қазір онда машиналардың кіріп-шығуына тыйым салынды. Бұл ретте «NCOC» операторы вирустың алдын алу мақсатында қажетті шараларды қолға алды. Олар алғашында ауыспалы вахталық әдіспен жұмыс істейтін адамдарды шақыртып алды. Жұмысшыларға 3 айға дейін кен орнынан шықпайтынын түсіндірді. Қазір міне, соның жемісін көріп отыр. «NCOC» жобасында бірде бір адам вирус жұқтырған жоқ», - деді компания өкілі.

Әсел Тұмашқызы, Нұр-Сұлтан