Павлодарда жасөспірім қыз баланы соққығы жыққан сәттің видеосы жарияланды

Павлодарда жасөспірім қыз баланы соққығы жығып, тепкілеген сәттің видеосы жарияланды, деп хабарлайды Azattyq Rýhy.

Видео әлеуметтік желіде жарияланды.

Павлодар облыстық полиция департаментінің баспасөз қызметі жасөспірімнің профилактикалық есепке алынғанын, ал оның заңды өкілі бала тәрбиелеу міндеттерін орындамағаны үшін жауапқа тартылғанын хабарлады.

«Кәмелетке толмаған қыз заңды өкілінің кепілдігімен босатылды. Сондай-ақ біз Павлодар қаласы әкімдігінің жанындағы кәмелетке толмағандардың істері және олардың құқықтарын қорғау комиссиясына тиісті ұсыныс бердік», - делінген хабарламада.