Қазақстанда жаңа кәсіби мерекелер пайда болады

Еңбек және халықты әлеуметтік қорғау министрлігі ведомство басшысының 8 жаңа кәсіби мерекені бекітуді көздейтін бұйрығының жобасын дайындады, деп хабарлайды Azattyq Rýhy.

Министрліктің бұйрық жобасына сәйкес, кәсіби мерекелер тізіміне келесі күндер енгізіледі:

• 28 қаңтар – Қаржылық мониторинг органдарының күні;
• Шілденің бірінші жексенбісі – Теңіз және өзен көлігі қызметкерлерінің күні;
• Тамыздың бірінші жексенбісі – Теміржол көлігі қызметкерлерінің күні;
• Қыркүйектің екінші жексенбісі – Бақылау-өлшеу аспаптары және автоматика саласы қызметкерлерінің күні;
• 2 қазан – Техникалық және кәсіптік, орта білімнен кейінгі білім беру қызметкерлері күні;
• Қазанның соңғы жексенбісі – Автомобиль көлігі қызметкерлерінің күні;
• 10 қараша – Бухгалтерлік есеп және аудит саласы қызметкерлерінің күні;
• 13 желтоқсан – Қылмыстық-атқару жүйесі күні.

Сонымен қатар Ұлттық баспасөз күні мен Радио күні бұған дейін Үкімет қаулысымен бекітілгендіктен, қайталануды болдырмау үшін тізімнен алынып тасталмақ.

Жаңа кәсіби мерекелерді енгізу туралы бастаманы тиісті салалардың мемлекеттік органдары көтерген.

Бұйрық жобасымен мына сілтеме арқылы танысуға болады.