Атырауда мас жүргізуші адам қағып, оқиға орнынан қашып кетті (ВИДЕО)
Оқиға түскі уақытта болды
Атырауда мас жүргізуші жолаушылар өткелінен өтіп бара жатқан адамды қағып, оқиға орнынан қашып кетті, деп хабарлайды Azattyq Rýhy.
17 қаңтар күні түс ауа ВАЗ 2111 көлігін тізгіндеген қала тұрғыны мешіт маңында Yutong маркалы автобуспен соқтығысқан. Оған қоса, жаяу жүргіншілер өткелінен өтіп бара жатқан 25 жастағы жігітті қағып кеткен. Осыдан кейін жүргізуші жоғалып кеткен.
«Полицейлер құқық бұзушыны С.Бейбарыс пен Тайманов көшелерінің қиылысында ұстады. Сараптама көлік жүргізушісінің орташа алкогольдік масаң күйде болғанын көрсетті», - деп хабарлады Атырау облыстық полиция департаментінің баспасөз қызметі.
Көлік арнайы тұраққа қойылып, қазір қажетті құжаттар жиналып жатыр. Тәртіп сақшылары жол қозғалысы ережелерін сақтау керектігін еске салады.
Серіктес жаңалықтары
Көп оқылған
Редактордың таңдауы
