Әскерде жарақат алған Ербаянның денсаулығы жақсарып келеді — адвокат

Әскерде жарақат алған Ербаян Мұхтардың отбасына адвокат болған Инга Иманбай өз парақшасында Ербаянның денсаулығына қатысты соңғы жаңалықтарды бөлісті. Оның айтуынша, емдеу процесі оң нәтижелер беріп жатыр әрі дәрігерлердің болжамы жақсы, деп хабарлайды Azattyq Rýhy. 

«Емдеу нәтижелері: Басына сәтті ота жасалды; Инфекция толық жойылды; Катетерлер мен мұрын зонды алынып тасталды; Ербаян салмақ қосып, робот көмегімен қимылдай бастады; Аздап өздігінен тамақ іше бастады. Қазіргі уақытта Ербаянның емі Стамбұлда жалғасып жатыр. Дәрігерлер толық оңалуға уақыт қажет екенін айтады», — деп жазды адвокат.

Ербаянның жақындары оның денсаулығы үшін қолдау білдірген барлық жанға алғыс айттыч

«Бұл жетістіктер сіздердің қолдауларыңыздың арқасында. Жақсылықтан үміт үзбейміз!», — деп жазды ол.