Ресей Қазақстаннан баратын қызанақтарға қойылған шектеулерді алып тастады
АШМ мәлімдеме жасады
Ресей Федерациясы Қазақстаннан қызанақ әкелуге қатысты уақытша шектеулерді алып тастады. Бұл туралы Azattyq Rýhy АШМ баспасөз қызметіне сілтеме жасап хабарлайды.
Ветеринариялық және фитосанитариялық қадағалау жөніндегі федералды қызмет (Россельхознадзор) «ВНИИКР» ФМБМ-мен бірлесіп жүргізген материалдарды талдау, сондай-ақ ҚР АШМ АӨКтегі мемлекеттік инспекция өкілдерімен келіссөздер қорытындысы бойынша 16 қаңтардан бастап «Россельхознадзор» Ресейге Қазақстаннан 36 жылыжай кешенінің қызанақтарын әкелуге уақытша шектеулерді алып тастады.
«Өндіруші кәсіпорындар карантиндік объектілерден бос деп танылған жылыжай кешендерінің тізіміне енгізілген.
Қазақстандық тарап өсімдік шаруашылығы өнімдерінің қалған түрлері бойынша шектеулерді алып тастау туралы келіссөздерді жалғастыруда», - делінген АШМ хабарламасында.
