Мәдениет және ақпарат вице-министрі тағайындалды

Ол бүгінге дейін «Қазақстан Республикасының Ұлттық музейі» РМҚК директорының орынбасары болған

Фото: Үкіметтің баспасөз қызметі

Үкімет қаулысымен Айбек Сыдықов мәдениет және ақпарат вице-министрі қызметіне тағайындалды, деп хабарлайды Azattyq Rýhy.

Ол 1983 жылы Алматы қаласында дүниеге келген. Әл-Фараби атындағы Қазақ ұлттық университетін бітірген.

Еңбек жолын 2006 жылы «Алматы қаласы тарихы музейі» КМҚК-да экскурсия жүргізушісі болып бастаған.
2007-2015 жылдары – «Алматы қаласы тарихы музейі» КМҚК ғылыми қызметкері, директордың орынбасары, директоры.
2015-2016 жылдары – «Алматы қаласы музейлерінің бірлестігі» КМҚК директоры.
2016-2022 жылдары – «Мәдениеттерді жақындастыру орталығы мемлекеттік музейі» РМҚК мұражай бөлімінің басшысы, директордың орынбасары.
2022 жылдан бастап қазіргі уақытқа дейін — ҚР Мәдениет және ақпарат министрлігі Мәдениет комитетінің «Қазақстан Республикасының Ұлттық музейі» РМҚК директорының орынбасары.