Қызылорда облысында құны 200 млн теңге болатын ондаған тонна мұнай ұрланған

Қызылорда облысында кәсіпорыннан мұнай ұрлауды кәсібіне айналдырған бір топ адам ұсталды, деп хабарлайды Azattyq Rýhy.

Белгілі болғандай, қылмыстық іске кәсіпорын қызметкерлері мен күзетшілері жұмылдырылған. 20-дан астам тінту шаралары жүргізіліп, 25 тоннадан астам ұрланған мұнай өнімдері тәркіленді.

«Күдіктілердің әрекетінен кәсіпорынға келтірілген алдын ала шығын 200 миллион теңгеден асады. Полицияға 12 адам жеткізілді, оның 9-ы уақытша ұстау изоляторына қамалды. Облыстық полиция департаментінің тергеу басқармасы мұнай өнімдерін ұрлау және тиісті құжатсыз тасымалдау фактілері бойынша тергеу жүргізіп жатыр», – деді ІІМ ұйымдасқан қылмысқа қарсы күрес департаментінің өкілі Қуандық Алпыс.