Петропавлда шетелдіктер Абай мен Пушкиннің ескерткішіне шығып алды

Петропавлда ұлы ақындар Абай мен Пушкиннің ескерткішіне шығып, қоғамдық тәртіпті бұзған жастар ұсталды, деп хабарлайды Azattyq Rýhy Polisia.kz сайтына сілтеме жасап.

1 қаңтар кешінде қала тұрғындары ескерткішке үш жас жігіттің суретке түсу үшін шыққанын байқаған. Куәгерлердің айтуынша, олар өздерін әдепсіз ұстаған.

«Жаяу патруль бейнебақылау инспекторларының көмегімен тәртіп бұзушыларды тез арада ұстады», — деді полиция өкілдері.

Ұсталғандарға қоғамдық орында мас күйінде жүргені және ұсақ бұзақылық жасағаны үшін хаттамалар толтырылды. Сонымен қатар олардың Қазақстанда болу мерзімі өтіп кеткені анықталды. Бұл үшін де олар қосымша жауапкершілікке тартылады.