Қазақстанның бес өңірінде ескерту жарияланып, байланыс үзілді
Арнайы хабарлама жарияланды
Ауа райының қолайсыздығына байланысты Қазақстанның бес өңірінде тасжолдар жабылып, облысаралық байланыс тоқтады, деп хабарлайды Azattyq Rýhy.
Ауа райының нашарлауына байланысты (тұман, бұрқасын, көктайғақ), автокөліктің барлық түрі үшін қозғалыс жабылды және республикалық маңызы бар жүк және қоғамдық автокөлік үшін 5 өңірде (Ақмола, Қостанай, Қарағанды, Павлодар және Ұлытау облыстарында) қозғалыс шектелді.
ТЖМ қауіпсіздік шараларын сақтау керектігін ескертті.
«Дауылды ескерту жариялаған кезде, әсіресе қараңғы уақытта алыс жерлерге сапарға шығудан бас тартып, жаяу жүруден аулақ болыңыздар.
Ауа райы жағдайы мен автожолдардағы көлік қозғалысының шектеулері туралы ақпаратты бақылаңыздар», - делінген ҚР ТЖМ хабарламасында.
