«Райымбектің ұрпағын көбейту бұйырыпты»: Ерке Есмахан сүйінші жаңалығымен бөлісті

Белгілі әнші Ерке Есмахан сүйінші жаңалығымен бөлісті. Әнші үшінші баласына жүкті, деп хабарлайды Azattyq Rýhy.

Сүйінші! Аллаға сансыз шүкір! Маған қазақтың санын, Райымбектің ұрпағын көбейту бұйырыпты. «Ерке Сотуар»-дың тілегі бірінші өзіме жұғысты болды ғой. Алла тіл көзден сақтасын. Әр отбасында сәбидің күлкісі естілсін», - деп жазды әнші.

Айта кетейік, Ерке Есмахан өзінен 12 жас кіші әнші Раймға тұрмысқа шығып, Ислам есімді ұлды дүниеге әкелген болатын.

Қараша айында ұлының бір жасын атап өтті.

Сондай-ақ, Ерке Есмаханның алғашқы некесінен бір ұлы бар.

Әншінің әлеуметтік желідегі оқырмандары оны сүйінші жаңалығымен құттықтап, ақ тілектерін жаудырып жатыр.