Рудныйдағы ірі кәсіпорында жұмысшы қайтыс болды

Рудныйда Соколов-Сарыбай кен байыту орнында жұмысшы қайтыс болды. Бұл туралы кәсіпорынның баспасөз қызметінен мәлім етті, деп хабарлайды Azattyq Rýhy.

Қайғылы жағдай Кен дайындау және байыту цехында болған. Жөндеу жұмысын жүргізіп жатқан слесарь жарақат алып, мерт болған.

«Соколов-Сарыбай кен-байыту өндірістік бірлестігі» АҚ (ССКӨБ) Кен дайындау және байыту цехында жазатайым оқиға болды.
Вагонаударғышты жөндеп жатқан слесарь жарақат алып, қаза тапты. «ССКӨБ» АҚ ұжымы мен басшылығы марқұмның отбасына қайғыра көңіл айтады. Оларға қажетті көмек көрсетілетін болады. Тергеу жүргізіліп жатыр», - деп хабарлады кәсіпорынның баспасөз қызметінен.