Алматы әуежайындағы рейстер кешігіп жатыр

Алматыда қалың қар жаууына байланысты Air Astana әуекомпаниясы рейстердің кешігетінін мәлімдеді, деп хабарлайды  Azattyq Rýhy.

Ауа райының қолайсыз жағдайы ұшақтарды мұзға қарсы өңдеу жұмыстарына кедергі келтіріп отыр.

Әуекомпания жолаушылардан әуежайға жол тартпас бұрын рейс статусы туралы ақпаратты тексеріп алуды сұрайды. 

Әуежай қызметкерлері жолаушыларға ыңғайсыздық үшін кешірім сұрай отырып, қауіпсіздіктің ең маңызды екенін атап өтті. Қалың қарға байланысты ұшу қауіпсіздігі талаптары қатаң сақталып, барлық рейстер мұқият тексерілуде.

Жолаушыларға сапарын жоспарлауда уақыт пен жағдайды ескеруге кеңес беріледі.