ШұғылҚазақстанда өткен тәулікте тағы 272 адамнан коронавирус анықталды

Биыл Қазақстанда 600 мыңға жуық адам әлеуметтік көмек алды

Атаулы әлеуметтік көмектің жалпы сомасы 19 млрд теңгеден асады

Фото: ашық дереккөзден

Қазақстанда ағымдағы жылдың қаңтар-сәуір айларында 113 мың отбасыдан 586 мыңға жуық адамға жалпы сомасы 19,6 млрд теңгеге атаулы әлеуметтік көмек тағайындалды және төленді, деп хабарлайды ҚР Еңбек және халықты әлеуметтік қорғау министрлігінің баспасөз қызметі.

«586 мың адамның 561 мыңы ТЖ кезінде мемлекеттік инстанцияларға жүгінбей, II тоқсанда АӘК-ті автоматты түрде алды. Ал 25 мың адам АӘК алу үшін алғаш рет жүгінді», - делінген хабарламада.

Жәрдемақы ең алдымен құрамы, тұрғылықты мекенжайы және табыс деңгейі өзгермеген отбасыларға тағайындалды. Ол үшін ақпараттық жүйелерден алушылардың деректерін тексеру жүзеге асырылды. Атап айтқанда, тұрғылықты жері бойынша тіркелуі, жылжымайтын мүлкінің, көлігінің болуы, кірістері және басқасы тексерілді. Барлық ақпарат, сондай-ақ хабарламалар электрондық пошта және мессенджерлер арқылы жіберілді.

«АӘК көрсетудің жаңа тетіктері шеңберінде табысы аз отбасылардағы балаларды қолдауға ерекше көңіл бөлінетінін, оларға кепілдік берілген әлеуметтік топтама енгізілгенін атап өтеміз. Кепілдік берілген әлеуметтік топтама жас санаттары бойынша 2 түрге бөлінеді: 1-ден 6 жасқа дейінгі және 6-дан 18 жасқа дейінгі балаларға арналған», - деп көрсетілген баспасөз қызметі таратқан хабарламада. 

1 жастан 6 жасқа дейінгі балалар үшін азық-түлік және тұрмыстық химия заттарының жиынтығы қарастырылған. Азық-түлік жиынтығына түрлі жармалар, пюре, шырындар, сүт және т. б. кіреді. Тұрмыстық химия жинағы тіс пастасын, балаға арналған щетканы, кір жуатын ұнтақты, шаруашылық және иіс сабынды және т.б. қамтиды, ол тоқсанына 1 рет ұсынылады.

6 жастан 18 жасқа дейінгі балаларға мектепте тегін тамақ беріледі, қоғамдық көлікте оқу орнына дейін жеңілдікпен жол жүреді, мектеп формасымен және мектеп керек-жарақтарымен жылына 1 рет қамтамасыз етіледі.

Сұхбат
Екінші дүниежүзілік соғысқа қазақ даласынан 1,3 млн жауынгер аттанған
Англия, Түркия, АҚШ елдеріндегі қазақтар жағдайды баяндады
Америкада маскасыз жүргендерге 1 мың доллар айыппұл салынады