Өгей қызына арақ беріп, артынша зорлаған: Абай облысында ер адам өмір бойына сотталды

Абай облысында 12 жастағы өгей қызына ішімдік беріп, артынша зорлаған ер адам сотталды, деп хабарлайды Azattyq Rýhy.

Іс материалдарынан анықталғандай, ер адамның әйелі сол күні үйде болмаған. Ер адам 12 жастағы өгей қызын бір стақан ішімдік ішуге мәжбүрлеген. Көп ұзамай, өзі диванға жатып, қыз баланы кино көруге қасына шақырған.

«Осы уақытта С. кәмелетке толмағанға қатысты жыныстық сипаттағы әрекеттерді жасауға бағытталған қылмыстық ойы пайда болды. Осылайша, кәмелетке толмағанға зорлық-зомбылық көрсетіп, қарсылық пен айқайға қарамастан, оның киімін шешіп, жыныстық зорлық жасап, жәбірленушіге физикалық ауырсыну мен азап әкелді», - делінген сотта.

Ер адам өз кінәсін толық мойындап, өкінді. Сот оны өмір бойына бас бостандығынан айыру жазасына кесті. Ол жазасын қатаң режимдегі колонияда өтейтін болады.

Үкім әлі заңды күшіне енген жоқ.