Полиция жүргізушілер мен жолаушыларға жолда мұқият болуды, жол ережелерін сақтауды ұсынады
Бүгін өңірде қалың қар жауып, көліктер кептеліске тап болды. Ауа райының қолайсыздығына байланысты жүк көліктерінің қозғалысына шектеу енгізілді, деп хабарлайды Azattyq Rýhy облыстық полиция департаментіне сілтеме жасап.
«15 желтоқсанда ауа райының қолайсыздығына байланысты Алматы - Ташкент - Термез автожолының 534-593 км учаскесінде жүк көліктерінің қозғалысына шектеу қойылды», - делінген хабарламада.
Полиция жүргізушілер мен жолаушыларға жолда мұқият болуды, жол ережелерін сақтауды ұсынады.