Ақмола облысының тұрғыны жақындарын несиеге отырғызып кетті

Ақмола облысында ауыл тұрғыны туыстарына несие рәсімдеп жібергені анықталды, деп хабарлайды Azattyq Rýhy.

Полиция департаментінің мәліметінше, 9 желтоқсан күні Ақкөл қаласының полиция бөліміне алаяқтық туралы екі өтініш түскен. Жергілікті тұрғындар өздерінің жақындары – немересі мен өгей баласының олардың сенімін пайдаланып, банктерден алаяқтық жолмен несие рәсімдегенін мәлімдеді.

Бір жағдайда залал сомасы 1 млн 772 мың теңгені, ал екіншісінде – 2 млн теңгеден астам соманы құрады. Жәбірленушілердің айтуынша, қаскүнем суретке түсіру сылтауымен олардың атына онлайн несие беру үшін видео биометрияны қолданған.

«Аталған деректер бойынша полиция бөлімі сотқа дейінгі тергеп-тексеруді бастады.

Мұндай жағдайларды болдырмау үшін сақтық шараларын сақтау маңызды: жеке деректерді, соның ішінде фото және бейне биометрияны, тіпті жақын адамдарыңызға бермеңіз; күдікті операцияларды анықтау үшін несие тарихын үнемі тексеріп отырыңыз; алаяқтық фактілері анықталған кезде дереу полицияға хабарласыңыз; қауіпсіздікті жақсарту үшін банктік қосымшаларда екі факторлы аутентификацияны қолданыңыз», - делінген ПД хабарламасында.