Қазір заңсыз өндірілген ішімдіктер жойылды
Түркістан облысында ішімді шығаратын үш ірі заңсыз цех анықталды, деп хабарлайды Azattyq Rýhy.
Осыған байланысты прокуратура суррогат алкоголь өнімдерін дайындау және өткізумен айналысатын адамдар тобына қатысты жедел-іздестіру іс-шараларын жүргізу туралы қаулы шығарылды.
Арнайы іс-шара барысында Келес, Төлеби аудандарында, сондай-ақ Түркістан қаласында 3 ірі астыртын цех анықталып, олардың жұмысы тоқтатылды.
«Нәтижесінде нарықта қымбат бағаланатын 31 920 бөтелке жалған алкоголь өнімі, маркалары «Абсолют» - 12 280, «Skyy» -11 020 және «Айдабульская» 8 620 дана, сондай-ақ құрамында спирті бар 600 литр сұйықтық тәркіленді.
Заңсыз өнімнің нарықтық құны 170 млн теңгеден асады. Аталған факт бойынша ҚР ҚК 233-бабымен тергеп-тексеру басталды», - делінген прокуратура хабарламасында.