Футбол: Станислав Черчесов Қазақстан құрамасына қатысты пікірін айтты

Қазақстан құрамасының бас бапкері Станислав Черчесов Лига ұлттарындағы команда ойыны және Еуропа футболындағы өзгерістер туралы пікір білдірді, деп хабарлайды Azattyq Rýhy Sports.kz сайтына сілтеме жасап.

Ең қиын қарсылас кім болды?

«Барлық қарсыластар шамамен бірдей деңгейде. Әр құраманың сапалы ойыншылары бар. Мысалы, Шешко, Холанд, Арнаутович сияқты шабуылшылар және Эдегор, Забитцер, Лаймер сияқты мықты жартылай қорғаушылар. Бізге жақсы деңгейдегі командалар қарсылас болды. Нәтижелерді есепке алмасақ, кейбір сәттерде біз ойынды толыққанды жүзеге асыра алмадық, бірақ кей жерлерде алға қадам жасадық», — деді бапкер.

Еуропа футболы қайда бағыт алуда?

«Құраманы қабылдаған сәтте бірінші байқағаным — ойын қарқыны. Бұл компонент Еуропада жылдан жылға күшейіп келеді. Сондай-ақ командалардың қорғаныстан шабуылға тез ауысу шеберлігі ерекше назар аудартады», — деп түйіндеді Черчесов.