Павлодарда мұғалімнің оқушыны ұруы: полиция қылмыстық іс қозғады

Павлодардағы мектептердің бірінде оқушыны ұрған мұғалімнің үстінен қылмыстық іс қозғалды, деп хабарлайды Azattyq Rýhy.

Полиция департаменті оқиғаға қатысты ресми мәлімдеме жасады.

«Кәмелетке толмағанды ұрып-соғу фактісі бойынша қылмыстық іс қозғалды. Оқиғаның мән-жайы мен себептері тергеу барысында анықталатын болады», - делінген Полиция департаментінің хабарламасында.

Айта кетейік, Павлодарда мектеп мұғалімі оқушыны тәртіпке салмақ болып ұрып жіберген. Оқушы партаға шығып алып, TikTok желісінде тараған дыбыстарды салып, айғайлаған. Кейін педагог жұмысынан қуылды. Осыған қатысты бүгін оқу-ағарту министрі Ғани Бейсембаев пікір білдірді.