Ауа райының қолайсыздығына байланысты автожолдарда қозғалыс шектелді

1 желтоқсан сағат 19:00-ден бастап ауа райының нашарлауына байланысты Қарағанды, Ұлытау және Павлодар облыстарындағы республикалық маңызы бар бірқатар автожолдарда жүк және қоғамдық көліктердің қозғалысына шектеу қойылды, деп хабарлайды Azattyq Rýhy ҚазАвтоЖолға сілтеме жасап.

Жолдар 2 желтоқсан күні сағат 08:00-де ашылады деп жоспарлануда.

Қарағанды облысы:

• Қызылорда-Павлодар автожолының 788-906 шақырым аралығы, Ұлытау облысының шекарасы - Топар ауылы.
• Қызылорда-Павлодар автожолының 970-1135 шақырым аралығы, Қарағанды қаласы - Павлодар облысының шекарасы.
• Қарағанды-Аягөз-Боғаз автожолының 17-217 шақырым аралығы, Қарағанды қаласы - Қарқаралы қаласы.

Ұлытау облысы:

• Қызылорда-Павлодар автожолының 756-788 шақырым аралығы, Жаңаарқа ауылы - Қарағанды облысының шекарасы.

Павлодар облысы:

• Қызылорда-Павлодар автожолының 1135-1206 шақырым аралығы, Қарағанды облысының шекарасы - Шідерті ауылы.