Ақтау тұрғындары үйіне берілмеген жылу үшін төлем жасауға міндеттелді

Ақтауда бірқатар тұрғын жылу мүлдем болмаған үйлердің де төлем түбіртектерін алғандарына шағымданып жатыр, деп хабарлайды Azattyq Rýhy Lada.kz-ке сілтеме жасап.

«Қала тұрғындары кейбір үйлерге күзден бері жылу берілмегенін, тіпті әлі күнге дейін жылу жоқ екенін айтады. Соған қарамастан, олардан жылу үшін төлем талап етілген. Бұл жағдай тұрғындардың наразылығын туғызып отыр», — деп жазады басылым.

Ақтау қаласы әкімдігі жылу болмаған жағдайда тұрғындар келесі әрекеттерді жасауы керек екенін хабарлады:

• Үйлерді басқаратын және қызмет көрсететін компаниялар тұрғындардан жылу берілмегенін растайтын қол жинауы қажет.
• Жиналған актілерді тұрғын үй-коммуналдық шаруашылық бөліміне, тұрғын үй инспекциясына және КЖСА-ға өткізу керек.

Әкімдік өкілдерінің айтуынша, осы рәсімдерден кейін ғана жылу төлемі қайта есептелуі мүмкін.