Павлодар облысында жалпы құны 22 млн теңгені құрайтын вейп партиясы тәркіленді

Екібастұз қаласында полицейлер тұрғын емес үй-жайдан жалпы сомасы 22 млн теңгені құрайтын 3 мыңнан астам электрондық темекі мен ноутбук тауып алып, тәркіледі, деп хабарлайды Azattyq Rýhy облыстық полиция департаментіне сілтеме жасап.

Белгілі болғандай, заңсыз тауардың бұл партиясы сатуға арналған. Күдікті интернет-дүкен арқылы танымал мессенджерлер мен әлеуметтік желілердегі арналарды қолдана отырып, вейптерді сатып отырған.

«Заңсыз электрондық темекіні сату және тарату күдігі бойынша полицияға 28 жастағы кәсіпкер жеткізілді. Темекі шекпейтін темекі бұйымдарының, электрондық тұтыну жүйелерінің (вейптердің), хош иістендіргіштер мен сұйықтықтардың айналымы фактісі бойынша олар үшін сотқа дейінгі тергеу жүргізілуде», - деді Павлодар облысы ПД баспасөз-қызметі.

Полиция еске салады, 2024 жылғы 20 маусымда Қазақстанда никотинді (вейптерді), сондай-ақ олар үшін сұйықтықтарды тұтынудың электрондық жүйелерінің айналымына тыйым салатын заң күшіне енді.