«Көп емес, мың доллар берші»: Назым Қызайбай Елдос Сметовтен қарызға ақша сұрады (ВИДЕО)

Париж Олимпиадасында қола жүлдеге ие болған боксшы Назым Қызайбай Динара Сәтжанның шоуында Олимпиада чемпионы Елдос Сметовтен қарызға ақша сұрады, деп хабарлайды Azattyq Rýhy.

Назым Қызайбай жүргізушінің тапсырмасы бойынша Елдос Сметовке қоңырау шалып, қарызға ақша сұраған.

«Дәл қазір ақша керек болып жатыр. Кімнен сұрайтынымды білмей, саған хабарласып отырмын. Бір-екі күнде қайтарып беремін. Қазір аударып жіберсең болады. Маған көп емес, мың доллар керек. Осы күндері қайтадан өзіңе салып жіберемін», - дейді Назым Қызайбай.

Елдос Сметов шетелде екенін айтып, әуежайға енді қондым деген.

«Мен әуежайға енді қонып жатырмын. Қазір қарайын, әуежайдан шығып алайын, хабарласамын», - дейді Сметов.

Еске салсақ, Елдос Сметов Париж олимпиадасында алтын жүлде алғаны үшін 250 мың доллар сыйақы алған болатын. Динара Сәтжан қалжыңдап, осынша ақшасы бар жігіт үшін 1000 доллар «түк емес» дейді.