Құтқарушылар жедел әрекет етіп, балықшыны жағаға жеткізді
Қарағанды облысында ТЖМ құтқарушылары жоғалған балықшыны тапты, деп хабарлайды Azattyq Rýhy.
ТЖМ мәліметінше, Балқаш қаласының 112 пультіне Балқаш көлінің «Ақ тас» ауданындағы жағалаудан 12 шақырым қашықтықта қайықтың ақаулығынан балықшы өз бетінше жағаға жете алмайтыны туралы хабарлама келіп түскен.
«Жедел құтқару жасағының құтқарушылары көрсетілген координаттар бойынша дереу шықты. Құтқарушылардың жедел әрекеттерінің арқасында балықшы құтқарылып, жағаға жеткізілді. Медициналық көмек қажет болмады», - делінген хабарламада.