Ақтауда есірткі жарнамалап жүргендер қолға түсті

Ақтауда есірткі саудасын жарнамалап жүргендер қолға түсті, деп хабарлайды Azattyq Rýhy.

Облыс прокуратурасының үйлестіруімен полиция қызметкерлерімен қоғамдық орындарға есірткіні заңсыз жарнамалау фактілерінің алдын алу мақсатында жедел-іздестіру шаралары жүргізілді.

«Бірлескен жұмыстар нәтижесінде синтетикалық есірткілерді заңсыз жарнамалау фактісінің жолы кесіліп, Ақтау қаласының үш адамнан тұратын топ ұсталды.

Ұсталғандардан «МЕФ, СК, DUNE24CC,VPN» жазулары бар трафарет, фломастер,балта, бита, 20-дана сырлауға арналған баллончиктер, 83 дана жарнама парақшалары, QR-код жазылған буклеттер және т.б. заттар, сондай-ақ есірткі заттары тәркіленіп алынды.

Аталған факті бойынша ҚК-нің 296-бабының 4-бөлігімен және ҚК-нің 299-1-бабының 2-бөлігінің 1, 2) тармақтарымен сотқадейінгі тергеп-тексеру басталды», - делінген облыстық прокуратура хабарламасында.

Күдіктілер тергеу сотының санкциясымен қамауға алынды. Тергеу әрекеттері жалғасуда.