Қазақстандық спортшы ресейлік қарсыласын нокаутқа жіберді

Қарағандыда өткен Naiza 68 аралас жекпе-жек турнирінде қазақстандық Еркебұлан Сисенбаев пен ресейлік Глеб Жагрин арасында жекпе-жек өтті, деп хабарлайды Azattyq Rýhy Sports.kz-ке сілтеме жасап.

Жекпе-жек жеңіл салмақта өтіп, үш раундқа жоспарланған болатын. Бірінші раундтың соңғы минутында Сисенбаев қарсыласын қатты соққымен нокаутқа жіберді.

Бұл жеңіс Еркебұлан Сисенбаевтың аралас жекпе-жектегі кәсіби мансабындағы екінші жеңісі болды, ал Глеб Жагрин алғаш рет кәсіби деңгейде жеңіліске ұшырады.