Қосшыда ер адам әйелімен ренжіскеннен кейін суицид жасамақ болды

Ерлі-зайыптылар арасындағы тұрмыстық жанжал Қосшыдағы қайғылы жағдайға ұласуға шақ қалды. Ер адам жергілікті кафеге қамалып, суицид жасауға тырысты, деп хабарлайды Azattyq Rýhy.

Қосшыда жұбайымен жанжалдасқан ер адам өзін-өзі өлтіремін деп қорқыта бастады. Ол жергілікті кафелердің бірінде жабылып, өзін өртемек болды.

«Ол қаланың кафелерінің бірінде есікті жауып алып, көрпені өртей бастады. Шақыру орнына Ақмола облысының құтқарушылары, сондай-ақ полиция департаментінің қызметкерлері келді. Олар есікті ашып, адамды таза ауаға шығарды. Өрт сөндірілді, зардап шеккендер мен қаза болғандар жоқ», - деп хабарлады облыстық ТЖД.

Ер адамға алғашқы көмек көрсетіліп, дәрігерлерге тапсырылды.