105 кг есірткі тәркіленді: Жамбыл облысында екі топ ұсталды

Жамбыл облысында аса ірі көлемде есірткі тасымалдаумен және сатумен айналысқан екі топ ұсталды, деп хабарлайды Azattyq Rýhy.

ҰҚК Шу және Мерке аудандарында шамамен 102 кг марихуана мен 3 кг-ға жуық синтетикалық есірткіні өткізу әрекеті кезінде Қазақстан Республикасының 3 азаматы ұсталып, соттың санкциясымен қамауға алынды.

«Қазақстан Республикасы Қылмыстық кодексінің 297-бабының 3-бөлігі бойынша сотқа дейінгі тергеп-тексеру жүргізілуде. Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды», - делінген ҰҚК хабарламасында.