Ақтауда жарты жылдан бері ыстық су көрмей отырған үйлер бар

Ақтауда 1 мамырдан бастап ыстық су көрмей отырған үйлер бар. Оларға жылу маусымы басталмай тұрып, ыстық су әзірге берілмейді. Бұл туралы Azattyq Rýhy агенттігі Lada.kz-ке сілтеме жасап хабарлайды.

«МАЭК» ЖШС-ның ақпараты бойынша, облыс орталығы тұрғындарының крандарындағы ыстық су жылу маусымы басталған күні ғана беріледі. Алайда, сарапшылар бұл суды тағы екі апта бойы қолдануға кеңес бермейді.

«Ақтауда ыстық су бөлудің ашық жүйесі, яғни ыстық краннан жылу жүйесінде айналатын су ағады. Бұл дегеніміз, егер үйде жылу болса, онда ыстық су да бар. Бірақ дәл сол себепті, жылыту қосылғаннан кейінгі алғашқы 2 аптада ыстық су лас болады және оны пайдаланбаған жөн. Оны төгудің де қажеті жоқ, тазалау ЖЭО сүзгілерінде жүргізіледі», - деп хабарлады «МАЭК» баспасөз қызметі.

Жоғарғы шағын аудандардағы үйлердің бірінде ыстық су жылумен бірге берілетіні расталды.

«Лас нәрсе – бұл түсінікті және қалыпты жағдай. Ыстық суды төгудің де қажеті жоқ, себебі құны арзан емес. Әзірге шағын аудандар қосылу үшін кезекте тұр. Тұрғындар коммуналдық қызметтер қолдан келгеннің бәрін жасап жатқанына түсіністік танытуы керек. Көп нәрсе тұрғындарға да байланысты. Біз өз тарапымыздан жылу жүйесін мүмкіндігінше тезірек беруге тырысамыз», - деп уәде берді кәсіпорын басшысы.